الاثنين، أكتوبر 18، 2010

المصرى اللى على حق يقول للصح لا

الظاهر ان الجماعه بتوع الشورى متفقين مع بعض ونويين يطلعوا (عين) اهالينا ومش هيسبونا الا لما يقنعونا بالذوق او بالعافيه ان مبارك اجدع ناس
ومن النهارده -اى بعد الاطاحه بعيسى_ مفيش حكومه ولا رئيس -قصدى مفيش مقالات  ضد الحكومه ولا الرئيس- فانا مش عارف ان كانت صدفه ولا لا ان د/مصطفى الفقى كان فى كليه اقتصاد فى ندوه وقال : اللى مش عاجبهم مبارك أقول لهم "رب يوم بكيت منه فلما مضى بكيت عليه"
و مقال عبدالله كمال امبارح فى روز اليوسف  الرئيس الفريد
او الرئيس الفريد من جبهه التهييس بس بعد الشطف
..........ولسه
فانا اعتقدان الفتره الجاييه دى هتكون كلها مقالات من نوع بص لنص الكبايه المليان
والا فمكانش ليه داعى الاطاحه بعيسى واديب واسكات المعارضه
اصل احنا بنحب نحلل لقمتنا رغم ان الانتخابات هتعدى كوسه وعادى يعنى وهما عارفين كده
بس مفيش مانع من شويه مقالات واخبار تحسن الصوره لدى الناس وتاكل بعقلنا حلاوه
علشان النفس بس يعنى والتراضى والبتاع وكله بيجى بالحب وايه يعنى
لما مبارك يخدلوه كمان دوره يعنى هيا البلد هتقع البلد مش هتقع

فدى بس مجرد بدايه لحمله دعائيه مضمونه النتائج وده لان مفيش حد هيرد عليها ولا حد هيستجرى
يعلق بسلب او بايجاب عليها لان ببساطه والكل عارف ان الدستور هيا الجريده المعارضه الوحييييييييييييييييييييده فى مصر
واديها اتقفلت مين اللى هيرد ؟؟؟؟؟؟ اوعى تقول المصرى اليوم .المصرى اليوم بتحدف وتجرى

بس انا اللى مضايقنى ان شوفت مقالات شمتانه فى ابراهيم عيسى يعنى انت اتنيل على عينك يعنى بايع نفسك ودماغك وكمان بتقول للصح لا    حقا
لا تأسفن على غدر الزمان لطالما...رقصت على جثث الأسود كلاب

لا تحسبن برقصها تعلو على أسيادها...تبقى الأسود أسودا والكلاب كلاب

مصر كانت بتسال 

ليست هناك تعليقات:

إرسال تعليق