الجمعة، أكتوبر 29، 2010

يعنى ايه مصر النهارده!!!!!!

من البيت بيتك لمصر النهارده يا قلبى لا تحزن
يعنى البيت بيتك بعد ما فضوا الشركه السوده دى
يعنى اما منى الشرقاوى تتبطخ محمود سعد يقولها يا ابلتى
يعنى محمود سعد يجيب الراجل الغلبان ويقعده على الهوا
ويفضل يقوله بتاخد كام فى الشهر وقبل ما يجاوب يقوله ايه ده
بس بتاخد دول بس يا حول الله يارب يار يت اى حد سمعنى يبعتلنى اى حاجه اى حاجه
علشان خاطر الراجل اللى طالع عينه ده
يعنى ايه مصر النهارده
انك بدل ما تقول للحكومه وتفضحها ليه الراجل ده مش لاقى ياكل
بتشحت عليه ولا بتقول كلمه واحده فى حق المئسول عن الفقر والقرف ده
يعنى انك تجيب الوزير وتفضل ترحب بيه وتكرمه وتظبطه-عادى يعنى-
وتقوله بس كان فيه طلب صغير بس فالناس بقى تفكر انك هتقول حاجه بقى
من بتوع المعارضه دى على الفساد و لا الغلاء ولا اى ابن كلب يعنى
فيقوله قول يا حوده فحوده يقول كان فيه مواطن -مواطن واحد بس-
مش لاقى ياكل وعند مشاكل ماديه كتيره قوى ياريت لو تنظروا اليه بعين الرحمه
فيرد الوزير عشان خاطرك بس انما لو عليا اطلع؟؟؟؟؟؟؟؟؟؟؟؟
يعنى ايه بقى مصر النهارده
يعنى انك تحاول تشخصن الامور فلما تقول ان فيه فساد
يبقى معناه ان واحد بس هو اللى فساد اما المعظم عثل
 يعنى اما تقول ان البلد بايظه
فده معناه ان الراجل الفاسد ده هو اللى مبوظها
يعنى ايه مصر النهارده
يعنى احنا ميهمناش فى البلد كلها اللى عم احمد وابو محمد والمواطن البسيط
المضروب بالجزمه
ليه بقى؟؟؟؟؟؟
عشان نعرف العلاقه بين مقاس الجزمه المضروب بها المواطن
وكميه فقره وغلبه
مصر النهارده يعنى يجيبلك كل انواع البلاوى والمشاكل اللى فى مصر
وحوادث انقلاب القطارات وغيرها
ولكنه يحاول ان يضع ويوصل قناعه ان كل هذه المصائب يمكن ان تحدث فى اى بلد متقدم
ولكنه دائما يغض الطرف عن كيف تتعامل هذه الدوله المتقدمه مع تلك المصائب
يعنى ايه مصر النهارده
يعنى محمود سعد يعترف اكتر من مره ان البيت بيتك -سابقا- له حدود وله جدول موضوع للضيوف
وله ضيوف ممنوعين من الحديث وانه غير راضى على كل هذا
ثم يخرج باسما وبكل ارتياح ضمير
يخبرنا انه لا رئيس غير مبارك وانه لا امل فى حال افضل مما نحن عليه
يخرج علينا ليشارك فى الخداع لياخذ دوره فى هذه المسرحيه الملعوبه على مسرح
ضخم للعرائس مسرح نجس صفه كل العاملين به
مصر النهارده يعنى عكس الحقيقه
مصر النهارده يعنى الامن مستتب و الشعب مستبد

هناك تعليق واحد: