الأحد، سبتمبر 02، 2012

وطن العك



خناقات . سياسة .. خناقات
*خناقة بين 6 ابريل الجبهه و6 ابريل الناصية وده راسه والف جزمة ليعمل حزب ويطربقها على دماغ ابوهم والتناى راسه والف بلغه ان ما يتعلمل حزب هو الواد الصايع ده هيمشى كلامه علينا !
*حناقة بين الاخوان واليسار ده مش عاجبه ان اليسار بيكرهوا خلط الدين بالسياسة وانهم بيعارضوا عمال على بطال وانهم بيتمسكنوا لغاية ما يتمكنوا والتانى بيقوله الله يرحم دلوقتى بقت المعارضة مسكنة !
*خناقة بين الاخوان وعبدالحليم قنديل مش فاكر ليه !
*خناقة بين متظاهرى 24 و متظاهرى 31 عشان دول بيقولوا على دول فلول بس دول بيقولوا على نفسهم ماء السماء الطهور اللى هيخلص البلد من نجاسة الاخوان !
*خناقة بين حزب الدستور ومصر القوية والحرية والعدالة وحازم ابوسماعيل و كله فى كله وحمدين دول بيقولوا البرادعى حلو وجميل والتانيين بيقولوا البرادعى كلب عغن !
*خناقة بين كل العلمانيين والاسلامين اصل الاسلامين بيقولوا القرض حلال بس التانين بيقولوا حرام حرام حرام وبيقولوا كمان الحمد لله الذى هدانا لهذا وما كنا لنهتدى لولا ان هدانا الله
*خناقة بين الثوار والفلول .. لا دى مش خناقة دى ناس بتفهم وناس قابضة
*خناقة بين عشاق الجيش وبين عشاق مرسى دول يقولوا طنطاوى حلو ودول يقول ايوه حلو بس مرسى احلى فيقوم مرسى يقيل طنطاوى فيقوموا يقولوا كلهم فى نفس واحد مرسى احلى !
*خناقة بين اللى عاجبهم لجنة الدستور واللى مش عاجباهم
*خناقة بين اللى عاجبهم حل البرلمان واللى مش عاجبهم
*خناقه بين اللى عاجبه الغاء الاعلان الدستورى واللى مش عاجبهم
*خناقة بين السنة والشيعة
*خناقة بين المسلم والمسيحى
خناقات .. واشتغالات .. ولو فتحت الذاكرة على الاخ هتلاقى اشتغالات كمان وكمان
م الاخر
دعونا نعشق وطن العك
فاذا استهلكنا
لا نحتج
ونطس دماغنا فى الحيطه
فستخرج يوما شاكليطه

هناك تعليق واحد: